పోస్టర్ ఆష్కరించిన మంత్రి జూపల్లి
నేటి సమాజంలో పుస్తకాలు చదివే సంస్కృతి మరింత పెరగాలని తెలంగాణ సాంస్కృతిక శాఖ మంత్రి జూపల్లి కృష్ణారావు అన్నారు. శనివారం ఆయన క్యాంప్ ఆఫీస్లో 37వ హైదరాబాద్ బుక్ ఫెయిర్ పోస్టర్ ఆవిష్కరించారు. అనంతరం ఆయన మీడియాతో మాట్లాడారు. ఏటా హైదరాబాద్లో జరిగే బుక్ ఫెయిర్ సమాజంలో పుస్తకాలు చదివే సంస్కృతిని పెంచుతోందన్నారు. ఈ ఏడాది డిసెంబర్ 19 నుంచి 29 వరకూ ఎన్టీఆర్ స్టేడియంలో పదిరోజుల బుక్ ఫెయిర్ జరుగుతుందని, ప్రభుత్వం నుంచి పూర్తి సహాయ సహకారాలు అందిస్తామని తెలిపారు. గత మూడు దశాబ్దాలుగా రెండు తెలుగు రాష్ట్రాల ప్రజలకు అనుకూలంగా హైదరాబాద్ నగరంలో పుస్తక మహోత్సవం నిర్వహించే ఆనవాయితిని కొనసాగించడం హర్షనీయం అని బుక్ ఫెయిర్ నిర్వహకులను అభినందించారు. పదిరోజుల పాటు జరిగే ఈ కార్యక్రమంలో పుస్తక ప్రియులు, విద్యార్థులు, రచయితలు పాల్గొని విజయవంతం చేయాలని పిలుపునిచ్చారు. అధ్యక్షులు యాకూబ్ మాట్లాడుతూ.. బుక్ఫెయిర్ నిర్వహణకు సహాకారం అందిస్తున్న తెలంగాణ ప్రభుత్వానికి ఆయన కృతజ్ఞతలు తెలిపారు. బుక్ఫెయిర్లో ప్రచురణ కర్తలు పాల్గొని విజయవంతం చేయాలని కోరారు. అనంతరం బుక్ ఫెయిర్ జనరల్ సెక్రటరీ ఆర్. వాసు మాట్లాడారు. బుక్ ఫెయిర్లో విజిటర్లకు, రచయితలకు, స్టాల్ నిర్వాహకులకు ఎలాంటి ఇబ్బందులు కలగకుండా ఏర్పాట్లు చేస్తున్నామన్నారు. సుమారు 250కి కు పైగా జాతీయ, అంతర్జాతీయ పబ్లిషర్లు పాల్గొంటారని, పదిలక్షలకుపై పైగా జనం విజిట్ చేస్తారని తెలిపారు. విద్యార్థులకు తమ ఐడీ కార్డులతో ఉచిత ప్రవేశం కల్పిస్తున్నామని ఆయన వివరించారు. అనంతరం ఈ కార్యక్రమంలో కోశాధికారి నారాయణ రెడ్డి, వైస్ ప్రెసిడెంట్లు కె. బాల్ రెడ్డి, శోభన్ బాబు, జాయింట్ సెక్రటరీలు కె. సురేశ్, ఎం. సూరిబాబు, ఈసీ సభ్యులు జనార్ధన్ గుప్తా విజయారావు, మధుకర్, కోటేశ్వర రావు, శ్రీకాంత్, శ్రీనివాసరావు, సాంబశివరావు, స్వరాజ్ కుమార్ తదితరులు పాల్గొన్నారు.
#BookFair2024 #37thHyderabadBookFair #HyderabadBookFair2024
#SelfPublished #IndependentAuthors #HyderabadBookFair #WritersCommunity #BookLovers #AuthorLife #BookPromotion #LiteraryEvent #IndieAuthors #BookStall #ReadLocal #BookSigning #Publishing #WritersOfInstagram
Comments