హైదరాబాద్​ బుక్​ ఫెయిర్ 2024 గౌరవ సలహాదారుల ఎన్నిక

37వ హైదరాబాద్​ బుక్​ఫెయిర్​ గౌరవ సలహాదారులుగా ప్రముఖ సాహితీవేత్త రామచంద్రమూర్తి, ప్రొ. కోదండరాం​ ను శనివారం బుక్​ ఫెయిర్​ కమిటీ ఏకగ్రీవంగా ఎన్నుకుంది. బుక్​ ఫెయిర్​ జనరల్​ బాడీ సమావేశం బాగ్​ లింగంపల్లిలోని సుందరయ్య విజ్ఞాన కేంద్రంలో షోయాబ్​ హాల్​లో జరిగింది. ఈ సందర్భంగా గౌరవ సలహాదారులను కమిటీ ఎన్నుకుంది. దీంతో పాటు బుక్​ ఫెయిర్​ కొత్త నిబందనలను కమిటీ ఏకగ్రీవంగా ఆమోదించింది. బుక్​ఫెయిర్​ నిర్వహన డిసెంబర్​ చివరి వారాల్లో నిర్వహించాలని కమిటీ నిర్ణయించింది. త్వరలోనే తేదీలను, స్టాళ్ల నిర్వహణనకు అప్లికేషన్ల ప్రకటన ఉంటుంది. అనంతరం రామచంద్రమూర్తిని మర్యాద పూర్వకంగా కమిటీ సభ్యులు సన్మానించారు. ఈ సమావేవంలో బుక్​ ఫెయిర్​ ప్రెసిడెంట్​ కవి యాకూబ్​, జనరల్​ సెక్రటరీ ఆర్​ వాసు, వైస్​ ప్రెసిడెంట్​ బాల్​ రెడ్డి, శోభన్​ బాబు, ట్రెజరర్​ నారాయణ రెడ్డి, జాయింట్​ సెక్రటరీ సూరి బాబు, సురేశ్​ బాబు, ఎమెస్కో అధినేత విజయ్​ కుమార్​, వీక్షణం ఎడిటర్​ ​ ఎన్​ వేణుగోపాల్​ తోపాటు తెలుగు పబ్లిషర్లు పాల్గొన్నారు.